ehance qlobal online portfolio şəbəkəsidir. Artıq Adobe şirkətinə məxsus olan sosial şəbəkə 2012-ci ildən etibarən dünyanın 80-dən çox ölkəsində ildə 2 dəfə – payızda və yazda Portfoliolara baxış həftəsi keçirir. İndiyəcən dünya üzrə 1500-ə yaxın sayda bu tədbir keçirilib. Azərbaycan isə 2013-cü ildən bu ailəyə qoşulub. 2016-cı ilin payız ayı üçün isə Memarlar Klubu olaraq tədbiri öz məkanımızda keçirməyi qərara aldıq.
Tədbirin əsas məqsədi, offline şəkildə yaradıcı insanlarla, yaradıcılığa həvəsi olan insanların görüşünü təşkil etməkdir. Eyni zamanda müxtəlif insanlar arasında tanışlıq qurub sosiallaşmaq və yaradıcı insanların öz təcrübələrini izləyicilərlə bölüşmək məqsədi daşıyır.
Bu səfərki tədbirdə 6 iştirakçı çıxış etdi. Qaydaya əsasən hər iştirakçı 15 dəqiqə ərzində özü və işləri ilə izləyiciləri tanış etməli idi. İştirakçılar və onların yaradıcılıq sahələri:
Səfiyar Məcnun fotoqraf
Elçin Vəliyev rəssam
Aysel Sadıqova modelyer
Çiçək Bayramlı Memar
Fərhad Aşurbəyli kulinar
Səfiyar – Küçə fotoqrafiyası və Metafizik fotoqrafiyaya yer ayırdı. Bundan başqa veteranlara həsr olunmuş xüsusi silsiləsi ilə izləyiciləri tanış etdi. Elçin – Repin akademiyasında qazandığı təcrübəni, akademik rəsmlərini və yeni üslubda çəkdiyi xalçalar silsiləsini təqdim etdi. Aysel – Parcha adlı öz brendi və son kolleksiyası ilə çıxış etdi. Çiçək – son layihələrindən biri olan Kefli şərab evinin dizaynı və inşaat prosesini bizimlə bölüşdü. Fərhad – Fashur adlı yeni layihəsi və Azərbaycan kulinariyasını dünyaya tanıdacaq video layihəsi ilə çıxış etdi. Hansı ki, kulinariya Behance tədbiri üçün yeni sahə hesab edilir. Emil və Samir isə – Baku Graffiti Agency adı ilə çıxış edib öz işlərini bizimlə bölüşdü.
Tədbirin formatına əsasən münsiflər heyyəti 3 nəfər qalib müəyyənləşdirməli idi. Münsiflər heyətinə,
Fotoqraf Eldar Əkbərov
Behance tədbirini ilk dəfə Azərbaycanda keçirənlərdən biri, Memar Elvin Əliyev və
Marionet teatrının rəhbəri, rəssam Tərlan Qorçu daxil idi.
İştirakçıların çıxışından sonra münsiflər heyətinin qərarı ilə 3 qalib müəyyən edildi. Qaliblər 3 nəfər olsa da, onlar arasında sıra fərqi yoxdur. Belə ki, Emil və Samir, Elçin Vəliyev və Aysel Sadıqova qalib elan edildi.
Bundan başqa gördüyü işlərə görə münsiflər heyətinin xüsusi medalı ilə Fərhad Aşurbəyli mükafatlandırıldı.
Məkanın çox da böyük olmaması səbəbindən tədbir qapalı keçirildi. Təxminən 50 nəfər qonaq qəbul edə bildiyimiz tədbirin video çarxı ilə tezliklə Memarlıq səhifəsində tanış ola bilərsiniz.
Behance Portfoliolara baxış tədbirinin doğma siması Leyla Ağayevaya təşkilati işlərdəki dəstəyinə və aparıcılığına görə dərin təşəkkür edirik :)
2016, payız tədbirinin təşkilatçıları isə Subhan Manafzadə və mən Urfan olduq. Subhana da xüsusi təşəkkür edirəm. Ümid edirəm yaxın gələcəkdə yenə birlikdə bu və bu tip tədbirlər keçirəcəyik.
QEYD: fotolara görə fotoqraf Eltac Zeynalova təşəkkür edirəm :)